لاہور: (ویب ڈیسک) پاکستانی کرکٹر شاداب خان کا انگلش کرکٹ کاؤنٹی سسیکس سے معاہدہ ہو گیا۔
شاداب خان کا ٹی ٹوئنٹی ویٹیلیٹی بلاسٹ کے مکمل سیزن کے لیے انگلش کاؤنٹی کے ساتھ معاہدہ ہوا ہے۔
سسیکس کاؤنٹی کے بولنگ کوچ جیمز کرٹلی کا کہنا ہے کہ شاداب خان کی وجہ سے ہمارے مڈل آرڈر کے تجربے میں اضافہ ہو گا ، شاداب پوری دنیا میں کھیلتے ہیں وہ ہر موقع پر کھیلنے کا تجربہ رکھتے ہیں، ان کی موجودگی سے ہماری ٹیم کو فائدہ ہوگا۔
دوسری جانب پاکستان وائٹ بال ٹیم کے نائب کپتان آل راؤنڈ شاداب خان کا کہنا ہے کہ مجھے انگلینڈ میں کھیلنا اچھا لگتا ہے ، علم ہے کہ مشتاق احمد سسیکس میں لیجنڈ ہیں، اب ان کی طرح یہاں کھیلنا میرے لیے اعزاز ہے۔
شاداب خان کا کہنا ہے کہ سسیکس کی ایک قابل فخر تاریخ ہے، مجھے امید ہے کہ میری وجہ سے ٹیم بلاسٹ کے اس سیزن میں اچھی کارکردگی دکھائے گی۔
