مایا علی معاشرے میں پسند کی شادی کے دوہرے معیار کیخلاف بول پڑیں

لاہور: (ویب ڈیسک) پاکستان شوبز انڈسٹری کی معروف اداکارہ مایا علی پسند کی شادیوں سے متعلق معاشرے میں لڑکے اور لڑکیوں کیلئے الگ الگ معیار کے خلاف بول پڑیں۔
ایک انٹرویو کے دوران اداکارہ مایا علی نے کہا کہ ہمارے معاشرے میں لڑکے اور لڑکی کیلئے شادی کا الگ الگ معیار رکھا گیا ہے، لڑکی سے کم از کم شادی سے پہلے پوچھ تو لینا چاہیے، اس کی اجازت تو ہمارا مذہب بھی دیتا ہے۔
اداکارہ نے کہا کہ ہمارے معاشرے میں لڑکا اپنی مرضی کی شادی کرے تو ٹھیک، لڑکی ایسا کرے تو اس کے کردار پر انگلی اٹھائی جاتی ہے۔
مایا علی نے مزید کہا کہ ہمارے ہاں لڑکی کو لباس پر بھی تنقید کا نشانہ بنایا جاتا ہے، کہا جاتا ہے جینز نہیں پہننی، کیا کبھی لڑکے کو بھی کہا گیا کہ راہ چلتی لڑکی کو گھورنا نہیں۔