ممبئی(خبریں ڈیجیٹل) بھارتی میڈیا کا دعویٰ ہے کہ سابقہ بالی ووڈ اداکارہ ثناء خان نے اپنے بیٹے کا نام طارق جمیل رکھ دیا ہے۔
بھارتی میڈیا رپورٹ کے مطابق اسلام کے خاطر شوبز کو خیرباد کہنے والی اداکارہ ثناء خان نے رواں ہفتے اپنی پہلی اولاد کو جنم دیا ہے۔ سابقہ اداکارہ نے سوشل میڈیا پر مداحوں کو یہ خوشخبری سُنائی تھی۔
تاہم اب بھارتی میڈیا نے یہ دعویٰ کیا ہے کہ ثناء خان نے اپنے نومولود کا نام طارق جمیل رکھ دیا ہے۔ بھارتی میڈیا کے مطابق ثنا خان کا کہنا ہے کہ نام کا شخصیت پر بہت اثر پڑتا ہے اور وہ اپنے بیٹے کیلئے ایک ایسا نام چاہتے تھے جو دینداری اور دیانتداری کی علامت ہو۔
