وفاقی حکومت نے سویلینز کا خصوصی عدالتوں میں ٹرائل کے خلاف کیس میں سپریم کورٹ میں تحریری جواب جمع کروا دیا، جس میں بتایا کہ 9 مئی واقعات میں ملوث سویلینز کا ٹرائل شروع ہوچکا ہے۔
سپریم کورٹ نے خصوصی فوجی عدالتوں میں سویلینز کے ٹرائل کیخلاف کیس سماعت کیلئے مقرر کردیا ہے، اور کیس کی سماعت کے لیے نیا بینچ تشکیل دے دیا گیا ہے۔ جب کہ رجسٹرار آفس نے تمام فریقین کو نوٹسز جاری کردیے ہیں۔
مقدمہ کی سماعت 23 اکتوبر کو جسٹس اعجازالاحسن کی سربراہی میں پانچ رکنی بینچ کرے گا جس کے دیگر ارکان میں جسٹس منیب اختر،جسٹس یحیٰی آفریدی، جسٹس مظاہرنقوی اور جسٹس عائشہ ملک شامل ہیں۔
