بھارت میں سیاسی جماعت شیو سینا کے رہنما ونود گھوسالکر کو فیس بُک لائیو کے دوران قتل کر کے قاتل نے خودکشی کر لی۔
بھارت میں حیرت انگیز واقعات نہ ہوں، ایسا کیسے ممکن ہے، ایسا ہی کچھ بھارتی سیاستدان کے ساتھ ہوا ہے جو کہ سب کی توجہ حاصل کر رہا ہے۔
بھارتی شہر ممبئی میں شیو سینا کے سابق رہنما ابھیشیک گھوسلکار کو ایک شخص نے دوران فیس بُک لائیو قتل کر دیا، جبکہ موقع پر موجود شخص جس نے ابھیشیک کو قتل کیا، بعدازاں اُس نے بھی اپنے آپ کو گولی مار لی۔
پولیس کے مطابق قتل کرنے والا شخص ممبئی کے علاقے بوریولی ویسٹ کا رہائشی ہے، جبکہ اس کی شناخت موریس نورونہا عرف موریس بھائی کے نام سے ہوئی۔
مزید تحقیقات میں اس بات کا بھی انکشاف ہوا کہ موریس خود کو سماجی کارکن کے طور پر ظاہر کرتا تھا، جبکہ موریس کو انتخابات میں حصہ لینے کی خواہش تھی۔
موریس نے اپنے سوشل میڈیا اکاونٹ پر مختلف سیاسی رہنماؤں کے ساتھ تصاویر بھی اپلوڈ کی تھیں، دوسری جانب ابھیشیک اور موریس کے درمیان مقامی سیاست پر غلبہ حاصل کرنے پر بھی جھگڑا رہتا تھا۔
