بھارتی اداکارہ تمنا بھاتیا نے اپنے ٹرینڈنگ گیت ‘ آج کی رات’ کے سیٹ پر منائی گئی سرپرائز برتھ ڈے پارٹی کی جھلکیوں پر مبنی ایک منی وی لاگ جاری کردیا۔
تمنا بھاٹیا نے فوٹو اینڈ ویڈیو شیئرنگ ایپ انسٹاگرام پر ایک ویڈیو شیئر کی جس میں انہیں فلم ‘استری 2’ کے آئٹم سانگ ‘آج کی رات’ کے سیٹ پر دیکھا جاسکتا ہے۔
ویڈیو کے آغاز میں تمنا بھاٹیا کہتی سنائی دیں کہ ‘اس استری کو آئسکریم کھانا بہت پسند ہے آئسکریم بننا نہیں، شوٹ ختم ہوتے ہی شال کے بغیر بھی نہیں رہ سکی پر کریو اتنا اچھا تھا کہ کچھ بھی برا نہیں لگ رہا تھا’۔
انہوں نے مزید کہا کہ ‘ڈانس کی شوٹنگ کرواتے ہوئے میں اپنی خود کی سالگرہ بھول گئی تھی لیکن میری ٹیم نے موقع کی نزاکت کو سمجھتے ہوئے میرے دن کو بے انتہا خاص بنا دیا’۔
شردھا کپور ٹائم ٹریول فلم ’استری 2’ میں جلوہ گر ہونے کو تیار
ویڈیو میں اداکارہ سیٹ پر شال پہن کر دو کیک کاٹتی اور اپنے مشہور گیت ‘کاوالا’ پر بھی رقص کرتے نظر آئیں۔
واضح رہے کہ فلم ‘استری 2’ رواں سال 15 اگست کو سنیما گھروں کی زینت بنے گی جس میں شردھا کپور اور آر راجکمار اداکاری کے جوہر دکھاتے نظر آئینگے۔
