پاکستان کرکٹ بورڈ (پی سی بی) نے بنگلادیش اے کیخلاف جاری ریڈ بال سیریز کیلئے شاہینز کی لائن اَپ میں بڑی تبدیلی کی تصدیق کردی۔
بورڈ کی جانب سے جاری کردہ اعلامیے میں کہا گیا ہے کہ فاسٹ بولر سمین گُل کی جگہ غلام مدثر کو اسکواڈ میں شامل کرلیا گیا ہے۔
ثمین گُل کو ممکنہ انجری سے محفوظ رکھنے کیلئے اسکواڈ سے باہر کردیا گیا تھا تاہم اب بحالی کیلئے انہیں نیشنل کرکٹ اکیڈمی (این سی اے) طلب کیا گیا ہے۔
پاکستان شاہینز اور بنگلادیش اے کے درمیان 2 میچز کی سیریز کا آغاز کل اسلام آباد کلب میں ہوا اور 23 اگست کو اسی مقام پر اختتام پذیر ہوگا۔
دونوں ٹیموں نے کھلاڑیوں پر مشتمل اسکواڈز کا انتخاب کیا ہے جو بعد میں اس ماہ کے آخر میں راولپنڈی اور کراچی میں ہونے والے آئی سی سی ورلڈ ٹیسٹ چیمپئن شپ مقابلے میں مدمقابل ہوں گے۔
