اسلام آباد: جشن آزادی بین الصوبائی باسکٹ بال چیمپئن شپ کا مینز اور وویمنز ٹائٹل پنجاب نے جیت لیا۔
فیڈرل باسکٹ بال ایسوسی ایشن کے زیر اہتمام ملک کے 77 ویں یوم آزادی کو شاندار انداز سے منانے کیلئے پاکستان اسپورٹس کمپلیکس اسلام آباد میں پانچ روزہ چیمپٸن شپ کا انعقاد کیا گیا۔
ایونٹ کے مینز فاٸنل میں پنجاب نے سنسنی خیزمقابلے کے بعد خیبر پختونخوا کو 68 کے مقابلے میں 69 پواٗنٹس سے شکست دیکر مینز ٹائٹل جتنے کا اعزاز حاصل کیا۔
پنجاب کی طرف عبداللہ 22، محمد تیمور نے 15 پواٸنٹس جبکہ کے پی کے عمر خان 15 پواٸنٹس اسکور کرکے نمایاں رہے۔ اسلام آباد اے اور اسلام آباد بی کی ٹیموں کے مابین کھیلے گٸے تیسری پوزیشن کا میچ سنسنی خیز مقابلے کے بعد اسلام آباد اے نے 62-67 پوائنٹس سے جیتا۔
ویمنز ایونٹ کے فائنل میں پنجاب نے اپنے شاندار کھیل کی بدولت اسلام آباد اے کو 17 کے مقابلے میں 64 پوائنٹس سے شکست دیتے ہوئے ویمنر ٹائٹل اپنے نام کیا۔
پنجاب کی طرف سے ایمن علی اور ثنا نے 16 اور 12 پوائنٹس اسکور کٸے۔ تیسری پوزیشن کے میچ میں سندھ نے اسلام آباد بی کو 29-50 پوائنٹس سے شکست دی۔
