کراچی: کانگو اور ملحقہ ممالک میں منکی پاکس وائرس کے پھیلاو کے سبب پاکستانی ہوائی اڈوں سمیت تمام انٹری پوائنٹس پر کڑی نگرانی و احتیاطی تدابیر کے لیے ہدایات جاری کر دی گئیں۔
وائرس کے پھیلاو کے معاملے پر پاکستانی تمام انٹری پوائنٹس پر کڑی نگرانی اور احتیاطی تدابیر کے لیے بارڈر ہیلتھ سروسز پاکستان نے مراسلہ جاری کر دیا ہے۔
جاری کردہ مراسلے میں ایئر پورٹس سمیت تمام انٹری پوائنٹس پر مسافروں کی اسکریننگ بہتر بنانے کی ہدایت کی گئی ہے۔
مراسلے میں مشتبہ زخموں یا اس سے منسلک علامات کے حامل مسافر کو آئسولیٹ کرنے اور رپورٹ کرنے کے علاوہ وائرس سے نمٹنے کے لیے پوائنٹس پر پہلے سے موجود سسٹم کو بحال کرنے کی ہدایات بھی دی گئی ہیں۔
