عراق میں پھنسے پاکستانی زائرین بغداد ایئرپورٹ سے کراچی پہنچ گئے

کراچی: عراق میں بغداد ایئرپورٹ پر کئی گھنٹوں سے پھنسے پاکستانی زائرین کرچی ایئر پورٹ پہنچ گئے۔
بغداد ایئر پورٹ پر پھنسے پاکستانی زائرین عراقی ایئر ویز کی پرواز آئی اے 2431 کے ذریعے کراچی ایئرپورٹ پہنچ گئے۔
عراقی ایئر ویز کی پرواز آئی اے 2431 پاکستانی زائرین کو لے کر آج صبح 6 بج کر 15 منٹ پر کراچی ایئر پورٹ پہنچی۔
پاکستان پہنچنے والے زائرین میں مشہور نوحہ خواں شاہد حسین بلتستانی بھی شامل ہیں۔
یاد رہے کہ عراق میں موجود پاکستانی سفیر نے کہا تھا کہ 600 میں سے 320 زائرین آج پہنچ جائیں گے اور پھر وہی پرواز باقی زائرین کو لینے کے لیے واپس آئے گی۔