بھارتی اداکارہ ہنسیکا موٹوانی نے بھی پاکستانی سپر اسٹار ماہرہ خان کی فین ہونے کا اعتراف کرتے ہوئے خاص تصویر جاری کردی۔
ہنسیکا نے بھارتی چینل اسٹار پلس پر 2000 سے آن ائیر ہونے والا بچوں کا ڈرامہ سیریل ’شاکا لاکا بوم بوم‘ میں چھوٹی بچی کا کردار ادا کیا۔
اس کے بعد 2003 میں بالی ووڈ کی فلم ’‘کوئی مل گیا‘ میں ہریتھک روشن کی دوست کا کردار ادا کیا۔
2007 میں اچانک بطور اداکارہ بھارتی گلوکار و اداکار ہمیش ریشمیا کی فلم ’آپ کا سرور‘ میں جلوہ گر ہوئیں، جنکی خوبصورتی اور جوانی کو دیکھ کر سب لوگ دنگ رہ گئے۔
ہنسیکا اب زیادہ تر تیلگو فلموں میں اداکاری کرتی دکھتی ہیں اور دو سال قبل 4 دسمبر 2022 کو اپنے پرانے دوست سہیل کٹوریا سے شادی کے رشتے میں منسلک ہوئی ہیں۔
تیلگو فلم انڈسٹری میں تہلکہ مچانے والی ہنسیکا نے فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر کی جس میں انہیں ماہرہ خان کے ساتھ پوز دیتے دیکھا جاستا ہے۔
شیئر کی گئی سیلفی کوئی معمولی نہیں بلکہ ہنسیکا کا ماہرہ خان کی فین گرلن ہونے کا ثبوت ہے۔
تصویر میں دونوں مسکراتے ہوئے کیمرے کی جانب دیکھتی نظر آئیں جبکہ ساتھ کیپشن میں ہنسیکا موٹوانی نے لکھا کہ ‘ کیپشن کی کوئی ضرورت نہیں ہے، یہ گین گرل مومنٹ ہے’۔
ماہرہ خان کی فین فالوئنگ پاکستان کے ساتھ ساتھ بھارت میں بھی زبردست ہے اور اسکی پہلی وجہ پاکستانی ڈراما ‘ہمسفر’ کا بھارت میں نشر ہونا ہے جس نے سب کو انکا دیوانہ بنا لیا پھر کنگ خان کی فلم ‘رئیس’ میں ماہرہ خان کا بطور ہیروئن کاسٹ کیا جانا بھی انہیں مزید شہرت دلواگیا۔
ماہرہ خان کی اس سے قبل بالی وڈ کے کئی ستارے تعریفیں کرچکے ہیں جن میں ملائیکہ اروڑا، ورون دھون، ریتیک روشن، شہناز گِل، شاہ رخ خان و دیگر شامل ہیں لیکن ہنسیکا موٹوانی اس فہرست میں نیا اضافہ ہیں۔
