کراچی: گورنر سندھ کامران خان ٹیسوری کو داو دی بوہرہ جماعت کی طرف سے آئی ٹی طلباءکے لیے 100 لیپ ٹاپس موصول ہوگئے، داو دی بوہرہ جماعت برہانی پیلس کے ایڈمنسٹریٹر کمیل نے گورنر ہاؤس میں پہنچائے۔

یاد رہے کہ داو دی بوہرہ جماعت کے روحانی پیشوا سیدنا مفضل سیف الدین نے آئی ٹی طلباءکے لیے اعلان کیا تھا، قبل ازیں گورنر سندھ کامران خان ٹیسوری سے داو دی بوہرہ جماعت کے وفد نے گورنر ہاﺅس میں ملاقات کی۔

اس موقع پر انڈس موٹر کے چیف ایگزیکٹیو آفیسر علی اصغر جمالی بھی موجود تھے، گورنر سندھ نے سیّدنا مفضل سیف الدین کا شکریہ ادا کرتے ہوئے کہا کہ ان کے اعلان کردہ لیپ ٹاپس نہیں ان کی محبت ملی۔

انہوں نے مزید کہا کہ پاکستان سے قرضہ خاتمہ کے لئے داو دی بوہرہ جماعت کی فکر کو خراج تحسین پیش کرتا ہوں۔

 لاہور: وزیر اطلاعات عطاءاللہ تارڑ علیمہ گروپ اور بشریٰ گروپ دونوں پی ٹی آئی پر قبضہ کرنا چاہتے ہیں، تحریک انتشار ملک کو نقصان پہنچانے کی سیاست کر رہی ہے اور آج خود انتشار کا شکار ہے۔

لاہور میں پریس کانفرنس کرتے ہوئے انہوں نے کہا کہ تحریک انتشار ملک کو نقصان پہنچانے کی سیاست کر رہی ہے، تحریک انتشار نے ملک کے اداروں کے خلاف پروپیگنڈا کیا، ملکی مفاد کو نقصان پہنچانے سے کبھی گریز نہیں کیا، انتشار کی سیاست کی بنیاد بانی چیئرمین پی ٹی آئی نے رکھی انہوں نے معاشرے کو تقسیم کیا، ایک دوسرے سے لوگوں کو لڑایا آج تحریک انصاف کی پارٹی خود انتشار کا شکار ہے۔

وزیر اطلاعات نے کہا کہ نفرت کی سیاست کا انجام اچھا نہیں ہوتا، علیمہ خان نے رﺅف حسن سے کہا کہ بشریٰ بی بی جھوٹی خبریں پھیلا رہی ہیں، بشریٰ بی بی ہمدردی کے لئے جھوٹا اور ہمدردی کا بیانیہ پھیلا رہی ہیں، تحریک انتشار میں مختلف گروپس بن گئے ہیں، تحریک انتشار میں کئی ڈس انفارمیشن سیل چل رہے ہیں، ایک ڈس انفارمیشن سیل رﺅف حسن علیمہ خان کے ساتھ مل کر چلا رہے تھے، دوسرا سیل بشریٰ بی بی چلا رہی تھیں۔

عطا تارڑ نے کہا کہ جنہوں نے لوگوں کو تقسیم کیا آج اُن کی اپنی پارٹی تقسیم اور انتشار کا شکار ہے، علیمہ گروپ اور بشریٰ گروپ پارٹی پر پی ٹی آئی پر قبضہ کرنا چاہتے ہیں، بشریٰ بی بی جو جھوٹا بیانیہ بنا رہی ہیں اس میں کوئی حقیقت نہیں، نفرت اور تقسیم کی سیاست کرنے والوں کی اپنی پارٹی انتشار کا شکار ہے، سیاسی مفادات کے لئے ملک کو نقصان پہنچانے کی کوششیں ہو رہی ہیں۔

 راولپنڈی: شہر بھر میں  ڈینگی وائرس سر اٹھانے لگا ہے جہاں گزشتہ 24 گھنٹوں کے دوران مزید 14 افراد میں ڈینگی وائرس کی تصدیق ہو گئی۔

محکمہ صحت نے بیان میں کہا کہ ہولی فیملی اسپتال میں 4 مریض  ڈسٹرکٹ ہیڈ کوارٹرز اسپتال میں 4 اور بی بی ایچ اسپتال میں بھی ایک مریض زیر علاج ہے۔

بیان میں کہا گیا کہ11  ہزار گھروں کو چیک کیا گیا اور 796 گھروں سے ڈینگی لاروا برآمد ہوا ہے۔

محکمہ صحت راولپنڈی نے مزید کہا کہ رواں برس قوانین کی خلاف ورزی پر 15 سو 12 مقدمات درج، 442 مقامات کو سیل کردیا گیا، رواں برس 14 سو 83 چالان ٹکٹ جاری ہوئے، 62 لاکھ 53 ہزار 2 روپے جرمانہ عائد کیا گیا۔