ممبئی: پیرس اولمپکس میں گولڈ میڈل حاصل کرنے والے پاکستانی ایتھلیٹ ارشد ندیم اور نیرج چوپڑا پر بالی وڈ فلم کیلئے امیتابھ بچن اور شاہ رخ خان فیورٹ ہیں۔ 

اولمپکس مقابلے میں شاندار کارکردگی کے ایک بھارتی میڈیا ادارے نے دونوں ایتھلیٹس سے پوچھا کہ اگران پر فلم بنائی جائے تو وہ کس اداکار کو ایک دوسرے کے روپ میں دیکھنا چاہتے ہیں۔

بھارتی ایتھلیٹ نیرج چوپڑا کا کہنا تھا کہ لیجنڈری امیتابھ بچن کے جوانی والا روپ ارشد ندیم کیلئے بہتر ہوگا کیوں کہ ارشد امیتابھ کی طرح بلند قامت اور رعب والی شخصیت رکھتا ہے۔

اس موقع پر پاکستانی ایتھلیٹ ارشد ندیم نے کہا کہ نیرج چوپڑا کے کردار کیلئے شاہ رخ خان بہتر ہے کیوں کہ ان میں بھی نیرج کی طرح کرشماتی شخصیت اور انرجی ہے۔

واضح رہے کہ ارشد ندیم نے پیرس اولپمکس میں جیولین تھرو کے مقابلے میں 92.97 میٹر کا تاریخ ساز تھرو پھینک کر طلائی تمغہ جیتا ہے۔

 لاہور: پاکستانی اداکار حمزہ علی عباسی باضابطہ لکھاری بن گئے اور ان کی پہلی کتاب’مائی ڈسکوری آف گاڈ، اسلام اینڈ ججمنٹ ڈے‘ لانچ ہوگئی۔

اداکار نے انسٹاگرام پر اپنی نئی کتاب کا ٹائٹل شیئر کرتے ہوئے مداحوں کو کتاب کی اشاعت کی خبر دی ہے۔

حمزہ علی عباسی نے لکھا ’ الحمدللّٰہ، فی الحال میری کتاب صرف امریکا میں دستیاب ہے لیکن جلد ہی یہ پاکستان سمیت دنیا بھر میں بھی دستیاب ہوگی‘۔

انہوں نے مداحوں کو بتایا کہ وہ کتاب کی تفصیلات کے حوالے سے اپڈیٹ دیتے رہیں گے۔

اداکار کی پوسٹ سامنے آتے ہیں مداح جہاں اداکار کو مبارکباد دے رہے ہیں وہیں کچھ لوگ کتاب سے متعلق سوالات بھی پوچھ رہے ہیں جن کا اداکار جواب بھی دے رہے ہیں۔

 لاہور: پاکستانی اداکارہ حرا مانی کو اپنا نیا فوٹو شوٹ مہنگا پڑ گیا اور سوشل میڈیا پر انہیں شدید تنقید کا سامنا ہے۔ 

انسٹاگرام پر اداکارہ نے اپنے نئے فوٹو شوٹ کی تصاویر شیئر کی ہے جس میں انہیں مغربی طرز کے لباس میں دیکھا جاسکتا ہے۔

اداکارہ نے اپنے فوٹو شوٹ پر کوئی کیپشن نہیں دیا اور ساتھی فنکارہ مایا علی کو ان کی تصاویر بہت پسند آئیں۔

سوشل میڈیا صارفین کی اکثریت کو حنا مانی کا مغربی لباس پسند نہیں آیا اور وہ انہیں شدید تنقید کا نشانہ بنارہے ہیں۔