پاکستانی شوبز انڈسٹری کے نامور اداکار دانش تیمور اور خوبصورت اداکارہ سارہ خان پہلی بار اے آر وائی ڈیجیٹل کے ایک نئے ڈرامہ سیریل ’شیر‘ میں ایک ساتھ جلوہ گر ہوں گے۔
حال ہی میں فوٹو اینڈ ویڈیو شیئرنگ ایپ انسٹاگرام کا رخ کرتے ہوئے میکرز نے ڈرامے کی پہلی جھلک جاری کی گئی ہے۔
سوشل میڈیا پر جاری ہونے والی ڈراما کے اس مختصر سےٹیزر کی ویڈیو دیکھتے ہی دیکھتے وائرل ہوگئی جسے اب تک کو اب تک ہزاروں صارفین دیکھ چکے ہیں۔
انسٹاگرام پر جاری ہونے والے ٹیزر میں اداکار دانش تیمور اپنے روایتی کرداروں کی بنسبت انتہائی زبردست اور منفرد انداز میں نظر آ رہے ہیں۔
ٹیزر میں انہیں آگ لگانے کے بعد جائے وقوعہ سے ہاتھ میں مشعل تھامے باہر نکلتے ہوئے دکھایا گیا ہے اس موقع پر دانش کی آنکھوں میں الگ ہی تپش ہے جو پروجیکٹ میں ان کے اینگری ینگ مین کے کردرا کو واضح کررہی ہے۔
ٹیزر سوشل میڈیا پر جاری ہوتے ہی مقبول ہوگیا جس کے کمنٹ سیکشن میں ناظرین اس میگا پروجیکٹ کو جلد دیکھنے کے لیے اپنی بے تابی کا اظہار کرتے نظر آ رہے ہیں۔
دانش تیمور کا فی الحال اسکینڈل
لائیو شو کے دوران متنازع بیانات دینے کی وجہ سے خبروں کی زینت بننے والے اداکار دانش تیمور کے چار شادیوں سے متعلق دیے گئے بیان نے ان کے سوشل میڈیا فالوورز کی تعداد میں زبردست اضافہ کر دیا تھا۔
حال ہی میں فی الحال ویڈیو وائرل ہونے کے بعد انسٹاگرام پر دانش تیمور کے فالوورز میں راتوں رات حیرت انگیز اضافہ دیکھنے میں آیا۔
دانش تیمور نے بھی اپنے انسٹاگرام اکاؤنٹ پر اس خبر کی تصدیق کرتے ہوئے ایک اسٹوری شیئر کی تھی جس کے مطابق اسکینڈل کے بعد ان کے اکاؤنٹ پر 1.57 لاکھ نئے فالوورز کا اضافہ ہوا تھا جس کے بعد کل فالوورز کی تعداد 8.4 ملین تک پہنچ گئی تھی۔
شیر کے بارے میں
یاد رہے کہ اداکار دانش تیمور سے قبل ڈراما سیریل شیر کی ہیروئن اداکارہ سارہ خان نے بھی اس ڈرامہ سیریل میں اپنے کردار کی پہلی جھلک مداحوں کے ساتھ شیئر کی تھی۔
پاکستانی میڈیا رپورٹس کے مطابق ڈرامہ سیریل ’شیر‘ کی دیگر کاسٹ کے بارے میں ابھی مزید تفصیلات سامنے آنا باقی ہیں۔
تاہم یہ بات سامنے آئی ہے کہ اس کی ہدایت کاری کے فرائض معروف ڈائریکٹر احسن طالش نے انجام دیے ہیں جبکہ اس کی کہانی مشہور ڈرامہ نگار زنجبیل عاصم شاہ نے تحریر کی ہے۔
یہ ڈرامہ آئی ڈریم انٹرٹینمنٹ کے اشتراک سے جلد ہی اے آر وائی ڈیجیٹل پر نشر کیا جائے گا۔
