امریکی فوج نے 5 سال قبل ریکارڈ کی گئی اڑن طشتری نما ان آئیڈینٹیفائڈ فلائنگ ابجیکٹ (یو ایف او) کی ویڈیو جاری کردی۔
ایلینز کا تصور جو پہلے صرف فلمز یا کارٹونز کی حد تک ہی سمجھ آتا تھا اور بس ایک خیالی بات لگتی تھی اب حقیقت کا روپ دھارتی نظر آنے لگی ہے۔
‘جادو’ کے ہاتھ میں ایک ایکسٹرا انگوٹھا کیوں؟ ریتیک نے بتادیا
سوشل میڈیا پر آئے دن اس حوالے سے کوئی نہ کوئی سنسی خیز خبر سامنے آتی ہے اور اکثر سائنسدان دوسرے پلینٹس اور ان پر بسنے والے ایلینز کی موجودگی کا دعویٰ کرتے دکھتے ہیں۔
نومبر 2020 میں امریکی فوجی اہلکاروں نے افغان اور پاکستان کی سرحد کے اوپر آسمان میں ایک پُراسرار و ڈسک نما اڑن طشتری (UFO) کو گزرتے ہوئے دیکھا تھا اور اس کی ویڈیو بھی ریکارڈ کی تھی لیکن یہ ویڈیو منظرِ عام پر نہیں آنے دی تھی۔
اب 5 سال بعد امریکی فوج نے وہ حیران کن ویڈیو پہلی بار عوام کے لیے جاری کردی ہے جو انکے دعوے کے مطابق حقیقت پر مبنی ہے۔
تحقیقی صحافی جیرمی کوربیل اور جارج نیپ نے یہ ویڈیو جاری کرتے ہوئے انکشاف کیا کہ یہ مناظر ایک خفیہ مشن کے دوران امریکی سرکاری اہلکاروں ریکارڈ کیے تھے۔
جاری کی گئی ویڈیو میں واضح طور پر دیکھا جاسکتا ہے کہ ایک ڈسک نما چیز آسمان میں سفر کر رہی ہے لیکن وہ بادلوں کے پیچھے چھپی ہوئی ہے جس کی وجہ سے وہ مکمل طور پر نظر نہیں آرہی لیکن اس کی شکل نمایاں ہے۔
قابلِ غور بات یہ ہے کہ اس اڑنے والی شے میں کسی قسم کا انجن یا پنکھے نما کوئی چیز نظر نہیں آئی اور نہ ہی اس میں سے دھواں نکلتا نظر آیا جیسے جہاز میں سے نکلتا جو اسکے انرجی کا استعمال کرتے ہوئے اڑنے کی علامت ہوتا ہے۔
آسمان کے قریب پراسرار روشنی سے لوگ خوفزدہ
دعوے کے مطابق یہ شے بغیر کسی آواز یا دھوئیں کے تیزی سے سمت بدلتی ہوئی دکھائی دی۔
امریکی محکمہ دفاع نے اس ڈسک کو ان آئیڈینٹیفائیڈ انامولس فینومینا (وی اے پی) قرار دیا
واضح رہے کہ مذکورہ ویڈیو پر امریکی انٹیلی جنس کمیونٹی میں سالوں سے تحقیق جاری ہے مگر اسے کبھی عوام کے سامنے لانے کا ارادہ نہیں تھا لیکن اس کو منظرِ عام پر لانا سائنسدانوں نے اب ضروری سمجھا۔
