ٹی 20 ورلڈکپ میں پاکستان ٹیم کی ناقص کارکردگی پر کھلاڑیوں پر بھاری جرمانہ عائد کیے جانے پر غور کیا جارہا ہے۔
ذرائع کے مطابق کرکٹ ٹیم کے بیشترکھلاڑیوں پر بھاری جرمانہ لگائے جانے کا امکان ہے۔
ذرائع کا کہنا ہے کہ جرمانہ عائد کرنے پر کچھ پیچیدگیاں ہیں جن پر بات چیت کی جارہی ہے۔
ذرائع کے مطابق سینٹرل کنٹریکٹ کو مدنظر رکھتے ہوئے قانونی پہلوؤں کا بھی جائزہ لیا جارہا ہے۔
واضح رہے کہ پاکستانی ٹیم ورلڈکپ میں بدترین کارکردگی کے باعث ٹورنامنٹ سے باہر ہوچکی ہے۔
