پاکستانی سفارت کاروں کی نسلوں نے خلوص پیشہ وارانہ مہارت اور خاموش عزم کے ساتھ اپنے ملک کی خدمت کی : عاصم افتخار احمد

اسلام آباد (این این آئی)سیکرٹری خارجہ عاصم افتخار احمد نے کہا ہے کہ پاکستانی سفارت کاروں کی نسلوں نے خلوص، پیشہ وارانہ مہارت اور خاموش عزم کے ساتھ اپنے ملک کی خدمت کی ہے اور اکثر محدود وسائل کے باوجود مگر مقصد کے غیر متزلزل احساس کے ساتھ سخت چیلنجز کا سامنا کیا ہے، ان کی وراثت ہماری طاقت اور ان کی مثال ہماری تحریک ہے۔ پاکستان فارن سروس ڈے 2026 کے موقع پر اپنے پیغام میں انہوں نے کہا کہ آئیے ہم اپنی اجتماعی کامیابیوں کا جشن منائیں، اپنے پیش روں کی شاندار خدمات کو خراجِ تحسین پیش کریں اور اس ادارے پر فخر کریں جو ہم نے مل کر بنایا ہے۔ انہوں نے کہا کہ ہم یہ دن پاکستان کے سفارتی سفر کے ایک خاص موقع کو اہم لمحے کے طور پر پر منا رہے ہیں، ہمارے ملک کی بڑھتی ہوئی جغرافیائی سیاسی اہمیت، وسیع ہوتی بین الاقوامی شرکت اور مکالمے کو فروغ دینے اور پرامن حل کی سہولت فراہم کرنے میں تیزی سے تسلیم شدہ کردار، اصولی اور بامقصد سفارت کاری کی دائمی قدر کی عکاسی کرتے ہیں،یہ کامیابیاں اعتماد پیدا کرتی ہیں لیکن ہم پر یہ بھی ذمہ داری عائد کرتی ہیں