اداکارہ شردھا کپور فلم ایٹھا میں ایک لاونی رقاصہ کا مرکزی کردار ادا کرنے کے لیے مکمل طور پر تیار ہیں۔ یہ فلم مہاراشٹر کی انتہائی مشہور لوک فنکارہ وٹھا بائی بھا مانگ نارائنگاں کر کی زندگی کے واقعات سے متاثر ہو کر بنائی گئی ہے۔
ممبئی کے دادار میں واقع تاریخی پلازہ سینما میں ایک خصوصی تقریب کے دوران ہدایت کار لکشن اتیکر کی اس فلم کا ٹریلر جاری کیا گیا، جس میں تماشہ اور لاونی کی اس تاریخی فنکارہ کی غیر معمولی زندگی کی جھلک دکھائی گئی ہے۔ٹریلر کی رونمائی کی تقریب میں شردھا نے لوک فنکارہ کے اس کردار میں ڈھلنے اور لاونی رقص کی دنیا کو سمجھنے کے لیے کی جانے والی وسیع تر تیاریوں پر روشنی ڈالی۔اداکارہ نے انکشاف کیا کہ اس سفر کے دوران انہیں کئی دلچسپ شخصیات سے ملنے اور ایک بالکل نئی ثقافتی دنیا کو سمجھنے کا موقع ملا، لیکن اس تیاری کے ساتھ ساتھ انہیں شدید جسمانی آزمائش کا بھی سامنا کرنا پڑا۔
رقاصہ کا کردار نبھاتے ہوئے پٹھوں میں کھنچا آ گیا تھا، شردھا کپور کا سنسنی خیز انکشاف
