جڑانوالہ پیشی بھگت کر واپس جاتے 3 افراد مخالفین کی فائرنگ سے قتل

فیصل آباد،جڑانوالہ(بیورورپورٹ، تحصیل رپورٹر) جڑانوالہ میں دیرینہ دشمنی کی بنا پر 3 افراد قتل
تھانہ ستیانہ کے علاقہ 231 گ ب ٹوانہ کے قریب پیش آیا ہے جہاں تین افراد کو موت کے گھاٹ اتارا گیاہے،شہادت وغیرہ ملزمان کی فائرنگ سے جاوید، وقاص اور علی جاں بحق ہو گئے مقتولین جاوید ، وقاص بلوچ اور علی سکنہ 592 آہلو دی جھوک کے رہائشی تھے جو جوڈیشل کمپلیکس جڑانوالہ میں پیشی کے بعد واپسی جا رہے تھے مخالفین نے مبینہ طور پر گھات لگا کر اندھا دھند فائرنگ شروع کردی فائرنگ کے نتیجے میں جاوید اور وقاص موقع پر جاں بحق ہو چکے تھے جبکہ زخمی علی کو ہسپتال منتقل کیا جہاں وہ بھی دوران علاج دم توڑ گیا،بتایا یہ جاتا ہے کہ واقعے میں ملوث قاتل اور مقتول دونوں فریقین مبینہ طور پر مختلف مقدمات میں ملوث ھیریکارڈ دیرینہ دشمنی بھی رکھتے ہیں۔ سی پی او فیصل آباد تنویر حسین نے تہرے قتل کے واقعے کا نوٹس لیتے ہوئے ایس پی جڑانوالہ سے رپورٹ طلب کر لی ہے ملزمان کی گرفتاری کے لیے ایس پی جڑانوالہ کی سربراہی میں خصوصی ٹیم تشکیل دے دی گئی ہے، ملزمان کو جلد گرفتار کرکے قانون کے کٹہرے میں لایا جائے گا،