دبئی(آئی این پی)قومی ٹیم کے سابق آل راونڈر عبدالرزاق نے کرکٹ میدانوں میں واپسی کا اعلان کردیا ہے ۔ میڈیا سے گفتگو کرتے ہوئے عبدالرزاق کا کہنا تھا کہ انہوں نے پاکستان سپر لیگ کے پہلے ایڈیشن میں نام نہ آنے کے باعث دلبر داشتہ ہوکر کرکٹ چھوڑ چکے تھے لیکن اب دوبارہ کرکٹ شروع کردی ہے ،عبدالرزاق کا کہنا تھا کہ وہ رواں برس فرسٹ کلاس کرکٹ بھی کھیلیں گے اور فارم اور فٹنس برقرار رہی تو ان کے چاہنے والے پاکستان سپر لیگ کے چوتھے ایڈیشن میں انہیں آل رانڈر کے طور پر واپسی کرتا دیکھیں گے ۔عبدالرزاق پی ایس ایل 3 میں کوئٹہ گلیڈی ایٹرز کی ٹیم کے بالنگ کوچ ہیں،انہوں نے آخری بار 2013 میں پاکستان کی نمائندگی کی ،عبدالرزاق نے 46 ٹیسٹ، 265 ون ڈے اور 32 ٹی ٹونٹی میچز میں ملک کی نمائندگی کر چکے ہیں ۔
