نقیب قتل کیس؛ راؤ انوار عدالت آجائے گا تو بچ جائے گا، چیف جسٹس

اسلام آباد: (ویب ڈیسک )چیف جسٹس آف پاکستان جسٹس ثاقب نثار نے نقیب اللہ محسود قتل از خود نوٹس کی سماعت کے دوران ریمارکس دیئے ہیں کہ راو¿ انوار عدالت آجائے گا تو تحفظ مل جائے گا اور بچ جائے گا۔چیف جسٹس پاکستان جسٹس ثاقب نثار کی سربراہی میں سپریم کورٹ کے 3 رکنی بنچ نے نقیب اللہ محسود قتل از خود نوٹس کی سماعت کی۔چیف جسٹس نے سماعت کے دوران ریمارکس دیئے کہ راو¿ انوار کو ائیر پورٹ پر کس نے سہولت دی، راو¿انوار کے سہولت کاروں کا پتا چلا تو ان کا احتساب بھی ہوگا، وہ عدالت آجائے گا تو تحفظ مل جائے گا اور بچ جائے گا۔ آئی جی سندھ اے ڈی خواجہ نے بتایا کہ راو¿ انوار کو نجی ائیرلائن کے بورڈنگ پاس جاری ہوئے۔