آجاﺅ بھئی آ جاﺅ ، پیپلز پارٹی نے انتخابی ٹکٹوں کی لوٹ سیل لگا دی

لاہور (احسان ناز سے )پاکستان پیپلز پارٹی نے پارٹی ٹکٹ حاصل کرنے کےلئے لوٹ سیل لگا دی زیادہ پیسے لگاﺅ جس حلقہ کا مرضی ٹکٹ حاصل کرو ایم این اے کی ٹکٹ حاصل کرنےوالا اگر مالی طور پر طاقتور ہے تو وہ اپنے نیچے 2 صوبائی اسمبلی کے امیدوار جن کو چاہے رکھ لے اس طرح صوبائی اسمبلی کا امیدوار نوٹوں کا بادشاہ ہے تو وہ انکی جھلک دکھا کر اپنی پسند کا امیدوار قومی اسمبلی میدان میں لاسکتا ہے ذمہ دار ذرائع کے مطابق لاہور سے عمران خان کے مقابلہ میں پیپلزپارٹی پنجاب کے سیکریٹری فنانس عاصم محمود بھٹی امیدوار ہے۔ حمزہ شہباز شریف کے مدمقابل ظہیر احمد چودھری ہے جبکہ ثمینہ خالد گھرکی‘ چودھری محمد اسلم گل‘ اورنگزیب برکی قومی اسمبلی کا الیکشن لڑنے کے امیدوار ہیں جبکہ یہ بھی اطلاعات ہیں کہ چودھری اعتزاز احسن الیکشن لڑنے کی بجائے آصف علی زرادری اور بلاول بھٹو کےساتھ پنجاب ، خیبر پختونخواہ ‘ بلوچستان اور سندھ میں انتخابی مہم چلائیں گے ذرائع کے مطابق لاہور کی ٹکٹوں کے فیصلے اس لیے جلدی نہیں ہو رہے کہ امیدوار اپنے اپنے حلقوں میں پسند کے قومی اسمبلی اور صوبائی اسمبلی کا الیکشن لڑنے والے طاقتور گھوڑوں کا انتخاب کر رہے ہیں اور اس میں دولت کا استعمال ہونے کی اطلاعات موصول ہورہی ہیں ذراےع کے مطابق لاہور کے ہر حلقہ سے ایک سے زیادہ امیدواران ہیں جن میں سے ایک کا چناﺅ جان جوکھوں کا کام ہے یہ بھی معلوم ہوا ہے کہ لاہو سے پنجاب اسمبلی کےلئے پیپلزپارٹی کے پسندیدہ گھوڑوںمیں عزیز الرحمان چن‘ اسرار الحق بٹ‘ میاں طارق عزیز‘ حق نواز‘ اشرف بھٹی‘ مرزا محمد ادریس‘ شیخ مقبول‘ شاہدہ جبین‘ رحیلہ زری‘ عاطف چودھری اور اسلم گڑا شامل ہیں۔