اسلام آباد (آئی این پی ) عمران خان وزیراعظم بننے کے بعد (آج) جمعہ کو لاہور کا پہلا دورہ کریں گے، دورہ کے دوران عمران خان اپنی رہائش گاہ زمان پارک میں قیام کریں گے ۔ لاہور پہنچنے پر وزیراعظم کا نامزد گورنر چوہدری سرور ، وزیراعلیٰ پنجاب عثمان بزدار سمیت کابینہ کے دیگر اراکین استقبال کریں گے۔عمران خان لاہور میں اپنی رہائشگاہ زمان پارک میں قیام کریں گے جہاں وہ وزیراعلی پنجاب عثمان بزدارکے علاوہ پارٹی کے دیگر اہم رہنماوں سے ملاقاتیں کریں گے ۔عمران خان کا لاہور میں قیام کا مقصد ضمنی الیکشن پر حکمت عملی کو عملی جامہ پہنانا بھی ہے،عمران خان لاہور کے حلقے131کے ضمنی الیکشن کو خود مانیٹر کرنا چاہتے ہیں۔
