سلام آباد(خصوصی رپورٹ)سپریم کورٹ نے10 سالہ امل کی ہلاکت کی تحقیقات کے لیے جسٹس ریٹائرڈخلجی عارف حسین کی سربراہی میں کمیٹی تشکیل دے دی۔چیف جسٹس پاکستان کی سربراہی میں 3 رکنی بنچ نے کراچی میں مبینہ پولیس مقابلے کے از خود نوٹس کی سماعت کی۔نجی ہسپتال کی انتظامیہ نے امل کے والدین کاموقف مسترد کرتے ہوئے کہا ہم علاج کررہے تھے لیکن والدین،بچی کودوسرے ہسپتال لےجانا چاہتے تھے۔بچی کے والدین نے انتظامیہ کی رپورٹ کوجھوٹ کا پلندہ قرار دے دیا۔ امل کے والد نے عدالت کو بتایاہسپتال انتظامیہ ہمیں بچی کودوسرے ہسپتال لے جانے کا کہہ رہی تھی،جس پرہم نے کہا اپنا عملہ اورمصنوعی تنفس کا سامان بھی ساتھ دیں۔سپریم کورٹ نے جسٹس ریٹائرڈ خلجی عارف حسین کی سربراہی میں کمیٹی تشکیل دیتے ہوئے 2 ہفتوں میں رپورٹ طلب کرلی،کمیٹی میں سابق آئی جی سندھ اے ڈی خواجہ، ڈسٹرکٹ بار کا نمائندہ اور ایک ڈاکٹر بھی شامل ہوگا۔چیف جسٹس نے ریمارکس دیئے میںکسی ایک حکومت کی بات نہیں کرتا لیکن ہسپتالوں کی حالت زارآج بھی وقیسی ہی ہے، کمیٹی کی سفارشات کے بعدہسپتالوں اورپولیس اصلاحات کے لیے ضروری حکم جاری کریں گے،مزید سماعت 2 ہفتوں بعد ہوگی۔سماعت کے بعد میڈیا سے بات کرتے ہوئے امل کے والدین نے کہا پولیس نے اپنی غلطی قبول کی لیکن ہسپتال والوں نے غلطی نہیں مانی بلکہ تمام الزامات ہم پر لگا دیئے، وہ مسلسل جھوٹ بول رہے ہیں، کمیٹی خودمختار ہے اور ہم مطمئن ہیںدیگر غیر سرکاری ہسپتال ٹھیک ہو جائیں تو ہم سمجھیں گے ہمیں انصاف مل گیا۔
