فیصل آباد ( سپیشل رپورٹر ) اوباش شادی کا جھانسہ دیکر ساتھیوں کے ساتھ مل برہنہ تصاویر بنا کر اپنی کلاس فیلو کو پانچ سال زیادتی کا نشانہ بناتا رہا، جبکہ بلیک میل کر کے دو لاکھ نقدی اور ساڑھے چار تولے طلائی زیورات بھی چھین لیے، تھانہ سمن پولیس رپورٹ کے مطابق سمن آباد کی رہائشی شازیہ بی بی نے مقدمہ درج کرواتے ہوئے موقف اختیار کیا ہے کہ میری بیٹی پانچ سال قبل بابر امین کے ساتھ پڑھتی تھی اسی دوران اس نے ورغلا کر اور شادی کرنے کا جھانسہ دیکر میری بیٹی کے ساتھ ناجائز تعلقات قائم کر لیے، ملزم نے میری بیٹی کی قابل اعتراض تصاویر بنا لیں، اور ڈرا دھمکا کر اور بلیک میل کر کے میری بیٹی کو مختلف اوقات میں مختلف مقامات پر بلا کر نشہ آور گولیاں کھلا زیادتی کا نشانہ بناتا رہا اس دوران اس کے اور ساتھی بھی موجود ہوتے تھے، اسی دوران ملزم نے بلیک میل کر کے میری بیٹی سے دو لاکھ نقدی اور ساڑھے چار تولہ طلائی زیورات بھی چھین لیے، میری بیٹی نے شادی پر اصرار کیا تو اس نے شادی سے انکار کر دیا اور دھمکی دی کہ اگر کہیں اور شادی کی تو میں تصاویر آپ کے سسرال والوں کو بجھوا دوں گا، عرصہ تین ماہ قبل میری بیٹی کی شادی ہوئی تو ملزم نے بیٹی کے سسر کو غلط میسج کرنے شروع کر دیئے اور تصاویر بھیج دیں، جس پر میری بیٹی کا رشتہ خراب ہو گیا، پولیس نے مقدمہ درج کر کے کاروائی شروع کر دی ہے۔
