ممبئی (شوبزڈیسک)اداکارہ دیپکا پڈکون اور رنویر سنگھ کی شادی کی تصاویر نے جہاں مداحوں کو متاثر کیا، وہیں انہیں دیکھنے کے بعد ہدایت کار کرن جوہر اور اداکارہ سوناکشی سنہا نے بھی شادی کرنے کی خواہش کا اظہار کردیا۔تفصیلات کے مطابق گزشتہ روزدیپکا اور رنویر سنگھ نے انسٹاگرام پر شادی کی مزید نئی تصاویر شیئر کیں، جنہیں دیکھ کر مداح تو دیوانے ہوئے ہی، ساتھ ہی فلمساز اور ڈائریکٹر کرن جوہر نے تبصرہ کرتے ہوئے کہا کہ اف! میں بھی شادی کرنا چاہتا ہوں۔ دوسری جانب سوناکشی سنہا نے بھی دیپکا اور رنویر کے لیے نیک خواہشات کا اظہار کرتے ہوئے کہا کہ نظر نہ لگے بابا اور بے بی کو، بس اب میری (شادی) کرادو۔دیپکا پڈکون نے شادی کی رسومات کی چند تصاویر بھی شیئر کیں جنہیں مداحوں کی جانب سے بے حد پسند کیا گیا۔
علاوہ ازیں اداکارہ نے رنویر سنگھ کے ساتھ شادی کے بعد کی بھی ایک تصویر شیئر کی۔
