ممبئی (شوبزڈیسک) بالی ووڈ اداکارہ شردھا کپور نے ذاتی سوالات سے بچنے کیلئے کرن جوہر کے شو کافی ود کرن کا مہمان بننے سے انکار کردیا۔ بھارتی میڈیا کے مطابق شردھا کی کرن شو میں شرکت نہ کرنے کی وجہ شو کا فارمیٹ ہے جہاں لوگوں سے ان کے پیشے کے بجائے ذاتی سوالات کیے جاتے ہیں اور اسی بات کے پیش نظر انہوں نے خود کرن سے کہا کہ وہ کسی بھی شو میں ذاتی زندگی پر بات چیت کرنے کے عمل کو مناسب نہیں سمجھتیں اس لیے وہ شو میں شرکت کرنے کے بجائے دور رہنا ہی بہتر سمجھیں گی۔ بھارتی میڈیا کے مطابق شردھا کپور کے انکار کی وجہ فرحان اختر بھی ہیں کیوں کہ کچھ ماہ قبل فرحان اختر اور شردھا کپور کے درمیان کافی قربتیں بھی دیکھنے میں آئیں تھیں اور اس سلسلے میں سوالات سے بچنے کے لئے شردھا کپور شو میں آنے سے کترا رہی ہےں۔
