کراچی (ویب ڈیسک) شہرقائد میں چینی قونصلیٹ پر حملے میں ملوث دہشتگردوں کے حملے سے آدھ گھنٹہ پہلے آنے کا انکشاف ہوا ہے لیکن انہیں جب بتایاگیاکہ ابھی ویزاسیکشن نہیں کھلاتو واپس چلے گئے اور دوبارہ آتے ہی گولیوں کی بوچھاڑ کردی۔ حملے میں زخمی سیکیورٹی گارڈ محمد جمن نے بتایاکہ حملے سے آدھ گھنٹہ پہلے دو حملہ آور عام شہری کے طورپرآئے اور ویزاسیکشن کی معلومات لیں تو انہیں بتایاگیا کہ ویزاسیکشن ابھی نہیں کھلا، آدھ گھنٹے بعد وقت شروع ہونے پرآنا۔محمد جمن نے بتایاکہ جب دوبارہ حملہ آور آئے تو آتے ہی گولیوں کی بوچھاڑ کردی اور بیریئرز پر گرنیڈ پھینکا۔ذرائع کے مطابق حملہ آوروں کے آدھ گھنٹہ بعد دوبارہ آجانے کے انکشاف پر سیکیورٹی اداروں نے اردگرد سے سی سی ٹی وی فوٹیج کے لیے کاوشیں شروع کردیں اور یہ بھی تفتیش کی جارہی ہے کہ آدھ گھنٹہ حملہ آور کہاں پر موجود رہے۔
