لاہور: (صدف نعیم)وزیراعظم عمران خان کی اہلیہ بشریٰ عمران نے لاہور میں غریب اور نادار افراد کے لیے زیرِ تعمیر شیلٹر ہوم کا دورہ کیا اور تعمیراتی کام کا جائزہ لے کر اسے جلد از جلد مکمل کرنے کی ہدایات جاری کیں۔اس موقع پر خاتون اول کی قریبی دوست فرح خان بھی ان کے ہمراہ تھیں۔خاتون اول نے اپنی دوست فرح خان کے ہمراہ زیر تعمیر شیلٹر ہوم کا دورہ کیا اور تعمیراتی کام کو جلد از جلد مکمل کرنے کی ہدایات جاری کیں—واضح رہے کہ خاتون اول بشریٰ عمران جب بھی لاہور کا دورہ کرتی ہیں تو وہ فاو¿نٹین ہاو¿س یا یتیم خانوں کا دورہ ضرور کرتی ہیں۔اس سے قبل بھی بشریٰ عمران نے خاتون اول بننے کے بعد پہلا دورہ لاہور میں واقع یتیم خانے ‘دارالشفقت’ کا کیا تھا جہاں انہوں نے بچوں کے لیے دوپہر کے کھانے کا اہتمام بھی کیا تھا۔شیلٹر ہوم کا دورہ کرنے کے بعد خاتون اول نے داتا دربار پر بھی حاضری دی۔
