لاہور:(ویب ڈیسک) شہباز شریف کے نئے منی سکینڈل پر وزیر اطلاعات پنجاب سید صمصام علی بخاری کا تبصرہ درست کہتے ہیں “بڑے میاں تو بڑے میاں چھوٹے میاں سبحان اللہ “سید صمصام علی بخاری خود کو خادم اعلیٰ کہلوانے والے کا اصل چہرہ سامنے آنا شروع ہو گیا۔شہباز شریف نے زلزلہ زدگان کی امدادی رقم کو بھی نہیں بخشا۔ سارا شریف خاندان منی لانڈرنگ میں مکمل طور پر ملوث ہے۔سابق پنجاب حکومت نے “ڈیفڈ” کی برطانوی امداد بھی خرد برد کی۔ثابت ہوا کہ شہبا زشریف منی لانڈرنگ کے اصل “ماسٹر مائنڈ” ہیں۔ پنجاب کو مقروض کرنیوالوں نے دل کھول کر کرپشن کی۔شہباز صاحب کے بیٹے اور داماد لندن اسی لیے بیٹھے ہیں۔ شہبا زشریف کی کرپشن نے سب سے بڑے صوبے کو دیوالیہ کر دیا۔ دوسروں پر الزامات لگانے والوں کا اپنا دامن کس قدر آلودہ ہے؟۔اب عوام نواز لیگ پر کسی قسم کا بھروسہ نہیں کریں گے۔ عمران خان کا لٹیروں کے بارے میں موقف درست ثابت ہوا۔شریف خاندان برطانوی میڈیاکے سوالوں کا جواب دے۔
