برطانیہ (وہب ڈیسک)برطانوی نشریاتی ادارے سے ملنے والی اطلاعات کے مطابق لامیا ایئرلائن کے سربراہ گسٹا فوور گاس کو گرفتار کرلیا ہے ۔ اطلاعات کیمطابق اس ایئرلائن کا طیارہ کزشتہ28 نومبر کو کولمبیا میں گر کر تباہ ہو گیا تھاجس میں سوار 71 افراد ہلاک ہوئے۔ہلاک شدگان میں برازیلی فٹبالر کلب کے کھلاڑی بھی شامل تھے جو علاقائی ٹورنامنٹ کا فائنل کھیلنے روانہ ہوئے تھے۔ اب اس طیارے کی تباہی کی تحقیقات کے سلسلے میں لامیا ایئرلائن کے سربراہ ریٹائرڈ ایئر فورس جنرل گسٹافورو گاس کو حراست میں لے لیا گیا۔تحقیقی رپورٹ کا کہنا ہے کہ طیارہ ایندھن ختم ہوجانے کی وجہ سے گر کر تباہ ہواتھا۔ فضائی کمپنی کی ایک افسر سہیلیا کسٹیڈو کے مطابق اس نے پائلٹ کو ایندھن کی کمی سے پہلے ہی آگاہ کردیا تھا، اس افسر نے دھمکیاں ملنے پر اب برازیل میں پناہ طلب کرلی ہے۔
