وزیرستان میں دہشت گردوں کی فائرنگ سے کیپٹن اور سپاہی شہید، دو اہلکار زخمی
ویب ڈیسک: وزیرستان میں دہشت گردوں کی فائرنگ سے کیپٹن اور سپاہی شہید جب کہ دو اہلکار زخمی ہو گئے۔
پاک فوج کے شعبہ تعلقات عامہ (آئی ایس پی آر) کے مطابق دہشتگردوں نے شمالی اور جنوبی وزیرستان کے سرحدی علاقے گیروم کے قریب سیکیورٹی فورسز کی پیٹرولنگ پارٹی پر فائرنگ کی۔
آئی ایس پی آر کے مطابق دہشت گردوں کی فائرنگ سے کیپٹن صبیح اورسپاہی نوید شہید ہوگئے جب کہ دو اہلکار زخمی بھی ہوئے۔
شعبہ تعلقات عامہ کے مطابق فائرنگ کے تبادلے میں ایک دہشتگرد ہلاک ہو گیا جب کہ دہشت گردوں کی پناہ گاہ کا بھی خاتمہ کر دیا گیا۔
