حیدرآباد(خصوصی رپورٹ)مشیراطلاعات سندھ مولا بخش چانڈیو نے کہا ہے کہ جنرل راحیل شریف کے جانے کے بعدحکومت میں جان آگئی ہے۔کہا جارہا ہے نیشنل ایکشن پلان کا جائزہ لیں گے،آپ کون ہوتے ہیں نیشنل ایکشن پلان کا جائزہ لینے والے،عقل کے اندھوں کی اکثریت مسلم لیگ ن میں ہے۔ ہم اداروںکے خلاف نہیں۔پیپلزپارٹی کو ختم کرنے کی سوچ لے کر کئی مر کھپ گئے،مسلم لیگ ن تصادم کی جانب جارہی ہے،مفاہمت کی فضا کو نقصان نہ پہنچا یا جائے۔پیر کو میڈیا سے گفتگو کرتے ہوئے انہوں کہا کہ کچھ عرصہ قبل حکومت بہت مایوس تھی‘وزراءکہتے تھے ہم اور فوج ایک صفحے پر ہیں‘ اب کہا جا رہا ہے ہم نیشنل ایکشن پلان کا جائزہ لیں گے، آپ کون ہوتے ہیں نیشنل ایکشن پلان کا جائزہ لینے والے، حکومت کی وجہ سے پنجاب میں نیب پر مکمل عملدرآمد نہیں ہو سکا۔ مولا بخش چانڈیو نے کہا کہ ہم محب وطن ہیں‘ ہمیں کوئی ڈر اور خوف نہیں ہے۔ حکومت بتائے مقدمات جو انتقامی کارروائیاں کرنا چاہتے ہیں کریں، مفاہمت اور بات چیت کے دروازے بند کر رہے ہیں۔ ہم اداروں کے خلاف نہیں چاہنے والے ہیں۔ ہو سکتا ہے آپ کے ظلم و ستم سے پارٹی کی رفتار سست ہو جائے، ختم نہیں ہوگی۔ صرف ایک وزیر اپنے جلال کا مظاہر ہ کر رہا ہے۔
مولا بخش چانڈیو
