میلبورن (ویب ڈیسک) پاکستان ٹیسٹ ٹیم کے کپتان مصباح الحق نے آسٹریلیا کیخلاف ٹیسٹ سیریز میں بدترین کاکردگی تسلیم کرتے ہوئے کہا ہے کہ سوچا بھی نہیں تھا کہ ہم اتنا مایوس کن پرفارم کریں گے۔ میلبورن ٹیسٹ میں جیت کا کریڈٹ پوری آسٹریلین ٹیم کو جاتا ہے۔تفصیلات کے مطابق میچ کے بعد گفتگو کرتے ہوئے مصباح الحق کا کہنا تھا کہ ہم دباﺅ میں تھے اور یہ ایک دلچسپ کھیل تھا اور ہمیں اچھا کھیلنا چاہئے تھا۔ اظہر علی نے پہلی اننگز میں بہترین بلے بازی کی جس کے باعث ہم نے اچھا سکور کیا لیکن باﺅلنگ کر کے آسٹریلیا کو کنٹرول نہ کر سکے۔انہوں نے کہا کہ ٹیسٹ میچ میں بلے بازی اور باﺅلنگ دونوں ہی اچھی کرنا پڑتی ہیں۔ اس میچ میں جیت کا کریڈٹ پوری آسٹریلین ٹیم کو جاتا ہے جنہوں نے ہم سے زیادہ اچھا کھیل پیش کیا۔انہوں نے ایک موقع پر ریٹائر منٹ کا اشارہ دیدیا ہے کہتے ہیںکہ اس حوالے سے فیصلہ 2سے 3 روز میں کرونگا ۔میلبورن ٹیسٹ میں شکست کے بعد گفتگو میں ان کا کہنا تھا کہ پر فارم نہیں کررہا تو ٹیم میں رہنے کا کوئی حق نہیں ۔اب مستقبل کے حوالے سے سوچنے کا وقت آگیا ہے۔
