صوبائی وزیر صحت کا کورونا ٹیسٹ مثبت آ گیا، گھرمیں قرنطینہ ہو گئیں

لاہور: (ویب ڈیسک) صوبائی وزیر صحت ڈاکٹر یاسمین راشد کا کورونا ٹیسٹ مثبت آ گیا، انہون نے اپنے آپ کوگھر میں قرنطینہ کرلیا۔
ڈاکٹر یاسمین راشد کا دوسری بار کرونا وائرس مثبت آیا ہے، صوبائی وزیر صحت ڈاکٹر یاسمین راشد کا کہنا تھا کہ اللہ پاک کے کرم سےاب بہترمحسوس کررہی ہوں اور حالت خطرے سے باہر ہے۔
واضح رہے کہ ملک بھر میں کورونا وائرس سے ہلاکتیں جاری ہیں۔ چوبیس گھنٹے کے دوران مزید 15 افراد جاں بحق ہوگئے جبکہ مثبت کیسز کی شرح دس اعشاریہ ایک سات فیصد ریکارڈ کی گئی، ملک میں اموات کی مجموعی تعداد بڑھ کر 29 ہزار 137 ہو گئی۔ پاکستان میں کورونا کے تصدیق شدہ کیسز کی تعداد 13 لاکھ 86 ہزار 348 ہو گئی ہے۔