اسلام آباد( ویب ڈیسک ) پاکستان تحریک انصاف کے رہنما جہانگیر ترین نے کہاہے کہ بی بی سی کی رپورٹ کے بعد وزیراعظم کے پاسمنصب سے چمٹے رہنے کا اب کوئی جواز نہیں ہے۔ میڈیا رپورٹس کے مطابق جہانگیرترین نے کہا کہ برطانوی ادارے کی رپورٹ کے بعد اب ساری حقیقت عیاں ہوگئی ہے اور اب وزیراعظم نوازشریف کے پاس اقتدار سے چمٹے رہنے کا کوئی جوازباقی نہیں رہا اس لئے ان کو عہدے سے الگ ہو جانا چاہیے،فریبی ٹولہ عظیم قوم کی قیادت کا حق نہیں رکھتا ہے۔جہانگیر ترین نے کہا کہ احتساب سے کم اب کوئی آپشن باقی نہیںرہ گیا ہے،عوامی رابطہ مہم میں مزید تیزی لائیں گے۔انہوں نے کہاکہ پاکستان تحریک انصاف ملک کو کرپشن کی دلدل سے نکالنے اور نئی نسل کو کرپشن سے پاک پاکستان دینے کے لئے جنگ لڑ رہی ہے اس جنگ میں نئی نسل ہمارے ساتھ ہے ۔واضح رہے رہنما پی ٹی آئی کا بیان بی بی سی کی رپورٹ منظر عام پر آنے کے بعد آیا ہے ۔رپورٹ کے مطابق لندن فلیٹس 90 کی دہائی سے شریف خاندان کی ملکیت ہیں۔
