لاہور(کلچرل رپورٹر)گلوکارہ مسکان جے نے اپنی نئی وڈیو پر کام روک دیا ہے ۔ذرائع نے بتایا ہے کہ مسکان جے نے حال ہی میں ماضی کا ایک مقبول گیت ری مکس کرکے اسے نئے اندازسے ریکارڈ کیا تھا اور اب وہ اس کی وڈیو بنانے کی خواہش مندتھیں جس کے لئے انہوں نے کئی لوگوں سے رابطے بھی کئے لیکن گانا سننے کے بعد لوگوں نے انہیں مشورہ دیا کہ وہ اس کی وڈیو پر پیسے ضائع نہ کریں کیونکہ ان کے گانے میں ہی جان نہیں ہے جس پر مسکان نے وڈیو بنانے کا ارادہ ملتوی کردیا۔ یادرہے کہ مسکان نے کچھ عرصہ پہلے بھی ماضی کے ایک مقبول گانے کو ری مکس کرکے وڈیو بنائی تھی میں جس میں چائے والے ماڈل ارشدخان نے بھی ماڈلنگ کی تھی لیکن اس وڈیو کو عوامی سطح پر پزیرائی نہیں ملی تھی۔اس بارے میں شائقین کا کہنا ہے جب گانے میں کچھ نہ ہو تو اچھی وڈیو بھی کیا کرے گی۔اس بارے میں مسکان کا موقف معلوم نہیں ہوسکا۔
