ٹی 20 ورلڈکپ: آسٹریلیا کو جیت کے لئے 158 رنز کا ہدف

پرتھ : (ویب ڈیسک) ٹی ٹوئنٹی ورلڈکپ میں گروپ اے کے میچ میں سری لنکا نے دفاعی چیمپئن آسٹریلیا کو جیت کے لئے 158 رنز کا ہدف دے دیا ہے۔
تفصیلات کے مطابق پرتھ میں کھیلے جانے والے میچ میں آسٹریلوی کپتان ایرون فنچ نے ٹاس جیت کر پہلے فیلڈنگ کرنے کا فیصلہ کیا، سری لنکن ٹیم نے مقررہ 20 اوورز میں 6 وکٹوں کے نقصان پر 157 رنز بنائے۔
سری لنکا کی جانب سے پاتھم نیسانکا 40، اسالانکا 38 اور دھننجایا ڈی سلوا 26 رنز بنا کر نمایاں رہے۔
آسٹریلیا کی جانب سے جوش ہیزل ووڈ، پیٹ کمنز، مچل اسٹارک، ایشٹن ایگر اور گلین میکسویل نے ایک ایک کھلاڑی کو آؤٹ کیا۔
ٹاس کے بعد گفتگو کرتے ہوئے کینگروز کپتان کا کہنا تھا کہ یہ میچ ہمارے لیے اہم ہے کوشش ہوگی کہ بڑے مارجن سے میچ جیت کر رن ریٹ بہتر کریں۔
ایرون فنچ نے بتایا کہ زمپا کی جگہ ایشٹن اگر کو ٹیم میں شامل کیا گیا ہے، انہوں نے کہا کہ میرے خیال میں اس گراونڈ میں یہ حکمت عملی بہترین ہے ، وکٹ اچھی ہے۔
اس موقع پر سری لنکن ٹیم کے کپتان داسون شنکا نے کہا کہ کوشش ہوگی آسٹریلیا کو شکست دیکر اگلے مرحلے تک رسائی کو ممکن بنائیں۔
آسٹریلیا کی پلیئنگ الیون میں ڈیوڈ وارنر ، ایرون فنچ، مچل مارش، گلین میکسویل، مارکس سٹونس ، ٹم ڈیوڈ، میتھیو ویڈ، ایشٹن اگر ، مچل سٹارک ، پیٹ کیومنز اور جوش ہیزل ووڈ شامل ہیں ۔
سری لنکا کی ٹیم میں پاتھم نیسانکا ، کوشل مینڈس، ڈی سلوا، اسالانکا، راجا پاکسے ،داسون شنکا ، واننڈو ہاسارنگا ڈی سلوا، چمیکا کروناتنے، مہیش ٹھیکشانا، ، لاہیرو کمارااور فرننڈو شامل ہیں ۔