لاہور (خصوصی رپورٹ) ہسپتالوں کے نان کلینیکل معاملات نجی اداروں کے حوالے کرنے کا فیصلہ کرلیا گیا۔ فیصلہ ڈی جی ہیلتھ آفس میں صوبائی وزیر خواجہ عمران نذیر کی زیرصدارت اجلاس میں کیا گیا۔ اجلاس میں صوبہ بھر میں تحصیل اور ڈسٹرکٹ ہیڈ کوارٹرز ہسپتالوں کی اپ گریڈیشن کے حوالے سے فیصلے کیے گئے ہسپتالوں میں سی ٹی سکین مشینیں، بائیو میڈیکل سہولیات اور انفراسٹرکچر کی بہتری میں اقدامات کا جائزہ لیا گیا۔ اجلاس میں سیکرٹری پرائمری اینڈ سیکنڈری ہیلتھ علی جان خان، ڈپٹی سیکرٹریز، مختلف ہسپتالوں کے ایم ایس اور پروجیکٹ ڈائریکٹرز نے شرکت کی۔
