لاہور (سپورٹس ڈیسک) قومی کرکٹر فواد عالم نے کہا ہے کہ مجھے پی ایس ایل میں شامل تو کر لیا گیا لیکن بعد میں فیورٹ ازم کی وجہ مجھے ایک بھی میچ کھیلنے نہیں دیا گیا۔ فواد عالم کا کہنا تھا کہ میری پرفارمنس سب کے سامنے ہے،میری تمام تر توجہ اپنی فٹنس کی طرف ہے۔،مجھے جو بھی مل رہا ہے اس پر اللہ کا شکرگزار ہوں۔انہوں نے کہا کہ پاکستان سپر لیگ میں جو رویہ میرے ساتھ کیا گیا ہے میں کئی مواقع پر اسے یاد کرکے دلبرداشتہ ہوجا تاہوں۔مجھے کرکٹ کے علاوہ کچھ نہیں آتااور مجھے اللہ پر بھروسہ ہے کہ ایک دن موقع ضرور ملے گا۔آخر میں فواد عالم نے کہا کہ شاہد بھائی نے ہمیشہ چھوٹے بھائیوں کی طرح رکھااور ہر موقع پر میری رہنما ئی کی جبکہ مصباح اور یونس کی جگہ لیناّ آسان نہیں ہے۔
