ممبئی(شوبز ڈیسک) انڈین میڈیا رپورٹس کے مطابق سنی لیونی کا اصل نام کرنجیت کور ووہرا ہے جو 13 مئی کو پیدا ہوئیں اور کینیڈا میں پلی بڑھیں۔ انہوں نے ابتدائی تعلیم کیتھولک سکول سے حاصل کی جبکہ فلم انڈسٹری میں قدم رکھنے سے قبل نرسنگ کی تعلیم حاصل کی۔ سنی لیونی نے اپنی پہلی نوکری ایک جرمن بیکری میں کی، تب ان کی عمر صرف 15 سال تھی۔ ایک ڈاکومنٹری میں سنی لیونی نے بتایا تھا کہ انھیں بچپن میں میوزک کا بہت شوق تھا۔ وہ ہارمونیم بہت اچھا بجا لیتی تھیں۔ انہوں نے بتایا کہ وہ بچپن سے ہی عامر خان کی بہت بڑی فین تھیں۔ انہوں نے عامر خان کی فلم دل دیکھی تو ان پر فریفتہ ہو گئیں۔
بھارت میں سنی لیونی کے خلاف فحاشی پھیلانے کے متعدد کیس درج کئے جا چکے ہیں لیکن سنی کہتی ہیں کہ وہ ہر ملک کے لوگوں کے جذبات اور ان کے کلچر کا احترام کرتی ہیں۔ عام طور پر لوگوں کو لگتا ہے کہ فیشن انڈسٹری یا فلموں والے لوگ کئی طرح کے نشے کرتے ہوں گے۔ تاہم آپ کو یہ جان کر تعجب ہوگا کہ سنی لیونی کسی بھی قسم کا کوئی نشہ نہیں کرتیں۔ وہ فٹنس کے تئیں بہت حساس ہیں اور نشہ سے دور رہتی ہیں۔سنی لیونی کو بالی ووڈ ہدایتکار موہت سوری نے 2005ءمیں اپنی فلم کل یگ کے لئے ایک اہم کردار آفر کی تھی لیکن سنی نے اس کے لیے ایک ملین ڈالرز معاوضے کا مطالبہ کیا تھا جس کے بعد موہت سوری نے اس فلم میں ان کی جگہ د?پل شاہ کو دے دیا۔ یہ فلم کوئی اچھا بزنس نہ کو سکی اور فلاپ ہو گئی۔ سنی نے 2012ءمیں پوجا بھٹ کی فلم جسم ٹو سے بالی ووڈ انڈسٹری میں قدم رکھا۔ اس کے علاوہ جیک پاٹ، راگھنی ایم ایم ایس ٹو اور ایک پہلی لیلیٰ سنی لیونی کی قابل ذکر فلمیں ہیں۔
