ٹلہ فیلڈ فائرنگ رینج جہلم میں پاکستان ملٹری اکیڈمی کے کیڈٹس کے لیے پاکستان آرمی اور ائیر فورس نے مشترکہ فائر پاور کا شاندار مظاہرہ کیا۔
فائر پاور مظاہرے میں جنگی حکمت عملی، دفاعی صلاحیتوں، فائر پاور اور کمیونیکیشن نیٹ ورک کی ہم آہنگی کا عملی نمونہ بھی پیش کیا گیا۔
اس مظاہرے میں اسپیشل سروس گروپ، آرمی ایوی ایشن اور ایئر ڈیفنس کی شاندار کارکردگی کا مظاہرہ کیا گیا۔
اعلیٰ عسکری حکام، پی ایم اے کیڈٹس اور طلبہ نے شاندار مظاہرے کا مشاہدہ کیا اور اسے سراہا۔
اس کے علاوہ کیڈٹس نے نیشنل کاؤنٹر ٹیررازم سینٹر پبی کا بھی دورہ کیا اور تربیتی مشقوں کا مشاہدہ کیا۔ پی ایم اے کیڈٹس نے کھاریاں میں جدید ہتھیاروں اور آلات کا معائنہ بھی کیا۔
یہ فائر پاور مظاہرہ پی ایم اے کیڈٹس کی جنگی مشق کی تربیت کا حصہ تھا۔ عملی مظاہرے کے بعد کیڈٹس نے جنگی کارروائیوں کی خصوصی تربیت بھی حاصل کی۔
