ممبئی( شوبز ڈیسک) بالی وڈ اداکار سنجے دت نے بھارت بھر میں منشیات سے بحالی کے سنٹرز قائم کرنے کا اعلان کیا ہے ۔ بھارتی ذرائع ابلاغ کے مطابق اداکار سنجے دت جن کی آنے والی نئی فلم ”بھومی“ ہے نے کہا ہے کہ وہ اپنے اعلان کے حوالے سے بھارتی حکومت سے منظوری کے لئے بات بڑھا رہے ہیں۔ان کا کہنا ہے کہ وہ ملک میں نشے کے عادی لوگوں کو اس سے چھٹکارے کے لئے تمام سہولیات فراہم کریں گے۔یاد رہے کہ سنجے دت اپنی جوانی میں منشیات استعمال کرنے کی لت میں مبتلا رہ چکے ہیں۔
