ایچ بی ایل پاکستان سپر لیگ (پی ایس ایل) 10 میں لاہور قلندرز نے اسلام آباد یونائیٹڈ کو جیت کے لیے 210 رنز کا ہدف دےد یا۔
لاہور میں جاری ایونٹ کے 19 ویں میچ میں لاہور قلندرز نے اسلام آباد یونائیٹڈ کی دعوت پر پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 209 رنز اسکور کیے۔
قلندرز کی جانب سے فخر زمان 44 رنز بنا کر نمایاں رہے۔سکندر رضا نے 39 رنز کی دھواں دار اننگز کھیلی۔ ڈیرل مچل 28، محمد نعیم 25، عبداللہ شفیق 22 اور آصف علی 0 کے اسکور پر آؤٹ ہوئے۔
سیم بلنگز 17 گیندوں پر 38 رنز بنا کر ناٹ آؤٹ پویلین لوٹے۔
یونائیٹڈ کی جانب سے عماد وسیم اور جیسن ہولڈر نے 2، 2 اور بین ڈوارشوئس نے 1 کھلاڑی کو آؤٹ کیا۔
اسکواڈ:
لاہور قلندرز: فخر زمان، محمد نعیم، عبداللہ شفیق، ڈیرل مچل، سیم بِلنگز (وکٹ کیپر)، سکندر رضا، آصف علی، ٹام کرن، شاہین شاہ آفریدی (کپتان)، حارث رؤف، آصف آفریدی
اسلام آباد یونائیٹڈ: آندرے ہاؤس، صاحبزادہ فرحان، سلمان علی آغا، عماد وسیم، حیدر علی، جیسن ہولڈر، شاداب خان (کپتان)، اعظم خان (وکٹ کیپر)، بین ڈوارشوئس، نسیم شاہ، حنین شاہ
