معروف پاکستانی اداکارہ ماہرہ خان ان دنوں اپنے آنے والی فلم ’لووگرو‘ کی پروموشن میں مصروف ہیں، حال ہی میں نیویارک کے ٹائمز اسکوائر پر فلم کا ایک خوبصورت جلوہ دکھایا گیا تھا۔
اس دوران ماہرہ خان نے نیویارک کی سڑکوں پر ناپنے کا فیصلہ کیا اور خوبصورت سیاہ لباس میں نیویارک کی سڑکوں کو کھوجتی ہوئی نظر آئیں۔
فوٹو اینڈ ویڈیو شیئرنگ ایپ پر ماہرہ خان نے اپنی تصویریں شیئر کیں جس کا کیپشن انہوں نے NY یعنی نیویارک کا دیا۔
تصویر میں ماہرہ خان نے ایک خوبصورت نیوی بلیو یا گہرے نیلے رنگ کا گاؤن پہنا ہوا ہے، یہ گاؤن جدید مغربی انداز کا ہے جس میں ہائی نیک اور بغیر آستین ڈیزائن شامل ہے۔
لباس میں فِٹڈ باڈی اور نیچے کا حصہ فلوئی ہے جو چلنے کے دوران خوبصورتی سے حرکت کرتا ہے، گاؤن میں ہائی تھائی سلِٹ بھی نمایاں ہے جو لباس میں جاذبیت اور دلکشی کا اضافہ کرتا ہے۔
تصویر میں ماہرہ خان نے اپنے بال کھلے اور اسٹریٹ رکھے ہیں، جو ایک نیچرل اور کلاسک لُک دیتے ہیں۔
میک اپ سادہ اور نفیس دکھائی دیتا ہے، جس سے قدرتی خوبصورتی کو اجاگر کیا گیا ہے۔
نیویارک کے شام کے ماحول میں یہ تصویر کھینچی گئی ہے جو مجموعی طور پر لباس اور شخصیت کو اور بھی نکھارتا ہے۔
ایک تصویر میں ماہرہ خان اور ہمایوں سعید کو فلم سے متعلق ایک ایونٹ میں شرکا کو بریفنگ دیتے ہوئے دیکھا جاسکتا ہے۔
اسکرین گریب انسٹاگرام
