12 جون 2025 کو احمد آباد ایئرپورٹ سے لندن جانے والی ایئر انڈیا کی پرواز AI 171 کے حادثے میں سابق وزیراعلیٰ گجرات، وجے روپانی کی موت کی تصدیق ہوئی ہے۔ حادثے کے بعد ان کی ایک تصویر سوشل میڈیا پر وائرل ہو گئی ہے، جس میں وہ طیارے کے اندر سیٹ پر بیٹھے نظر آ رہے ہیں۔ یہ تصویر ان کی آخری تصویر کے طور پر سامنے آئی ہے۔
اس تصویر میں روپانی کو نیلے رنگ کی شرٹ میں سیٹ نمبر 2D پر بیٹھے ہوئے دکھایا گیا ہے، اور ان کے چہرے پر معمولی تشویش کے آثار ہیں۔ یہ تصویر سوشل میڈیا پر تیزی سے پھیل گئی ہے اور عوام کی توجہ کا مرکز بنی ہوئی ہے۔
واضح رہے کہ ایئر انڈیا کی پرواز AI 171 میں 242 افراد سوار تھے، جن میں 230 مسافر اور 12 عملے کے ارکان شامل تھے۔ یہ طیارہ احمد آباد ایئرپورٹ سے لندن کے گیٹ وِک ایئرپورٹ کے لیے روانہ ہوا تھا اور چند منٹ بعد ہی میگھانی نگر کے رہائشی علاقے میں گر کر تباہ ہو گیا۔ حادثے میں 204 سے زائد افراد کی ہلاکت کی تصدیق ہو چکی ہے، اور صرف دو افراد کے زندہ بچنے کی اطلاعات ہیں۔
وجے روپانی بھارتیہ جنتا پارٹی (بی جے پی) کے سینئر رہنما اور 2016 سے 2021 تک گجرات کے وزیراعلیٰ رہ چکے تھے۔ ان کی موت بھارتی سیاست اور عوام کے لیے ایک بڑا نقصان ہے۔
اس حادثے کے بعد سے ایئر انڈیا اور بھارتی حکام تحقیقات میں مصروف ہیں تاکہ حادثے کی وجوہات کا پتا چلایا جا سکے۔
یہ تصویر اور حادثے کی تفصیلات سوشل میڈیا پر زیرِ بحث ہیں اور عوامی سطح پر گہرے غم و غصے کا اظہار کیا جا رہا
