ملک میں آٹے کی قیمتوں میں مزید اضافہ ہوا ہے اور 20 کلو آٹے کے تھیلے کی زیادہ سے زیادہ قیمت 2800 روپے تک پہنچ گئی۔
ادارہ شماریات کی دستاویز کے مطابق کراچی کے شہری ملک میں سب سے زیادہ مہنگا آٹا خریدنے پر مجبور ہیں، جہاں 20 کلو آٹے کےتھیلے کی قیمت 2800 روپے تک ہے۔
پشاور میں 20 کلو آٹے کے تھیلے کی قیمت 2750 روپے تک پہنچ گئی۔ اسلام آباد میں 20 کلو آٹے کےتھیلے کی قیمت 2733 روپے اور راولپنڈی میں 2707 روپے تک ہوگئی ہے۔
ادارہ شماریات کی دستاویز کے مطابق کوئٹہ اور بنوں میں 20 کلو آٹے کے تھیلے کی قیمت2700 روپے جبکہ حیدر آباد میں 2600 روپے تک ہے۔
ادارہ شماریات کی دستاویز کے مطابق خضدار اور لاڑکانہ میں 20 کلو آٹے کے تھیلے کی قیمت 2400 روپے اور فیصل آباد میں 2350 روپے تک ہوگئی ہے۔
اسی طرح گوجرانوالہ میں 20 کلو آٹے کےتھیلے کی قیمت 2333 روپے تک ہے، ملتان میں 20 کلو آٹے کےتھیلے کی قیمت 2267 روپے ہوگئی جبکہ بہاولپورمیں 2260 روپے تک ہے۔
ادارہ شماریات کی دستاویز کے مطابق لاہور میں 20 کلو آٹے کا تھیلا 2250 روپے جبکہ سرگودھا اور سیالکوٹ میں 2200 روپے میں فروخت ہو رہا ہے۔
