پولیس ملازمین کا ناروا سلوک’شہری ڈی آئی جی کی کھلی کچہری پہنچ گیا

لاہور (اپنے سٹاف رپورٹر سے)پولیس ملازمین کا شہری سے ناروا سلوک،شہری سنگین الزامات لے کر ڈی آئی جی آپریشنز کی کھلی کچہری میں پہنچ گیا۔ فیصل کامران نے ایس ایچ او سمن آباد کو24 گھنٹے کے اندر ملزمان کی گرفتاری کا حکم دے دیا۔ اسی طرح کھلی کچہری میں اوور سیز پاکستانی کی 1کروڑ 45 لاکھ دینے کے باوجود پلاٹ نہ ملنے کی شکایت پر ایس ایچ او شاہدرہ ٹائون کو شواہد کی روشنی میں مقدمہ درج کرنے کا حکم دیا گیا۔ وزیر ستان کے رہائشی کانجی کمپنی سے تین ماہ کی تنخواہ نہ ملنے کی شکایت پر ایس ایچ او شفیق آباد کو شہری کو تنخواہ دلوانے کی ہدایت کی گئی۔ ڈی آئی جی آپریشنز نے سود خوروں کے خلاف دھمکیوں کی شکایات پر ایس ایچ او زٹبی سٹی،گجر پورہ اور غالب مارکیٹ کو کاروائی کرنے کا حکم دے دیا۔ڈی آئی جی آپریشنز فیصل کامران نے کہا کہ عوام کو تحفظ اور قانونی راہنمائی فراہم کرنا پولیس کا فرض ہے۔ ہراسگی اور سماجی جرائم پر زیرو ٹالرنس پالیسی ہے، پولیس ہر مظلوم کی مدد کے لیے الرٹ ہے۔انہوں نے مزید کہا کہ شہریوں کی براہِ راست شنوائی کیلئے ہفتے کے 6 روز دفتر میں کھلی کچہری لگاتا ہوں۔اتوار کو دوپہر 12 بجے فیس بک لائیو پر شہریوں کی شکایات اور تجاویز سنتا ہوں