دہشت گردی کے سنگین جرائم میں ملوث ہونے پرسعودی عرب میں 5 ملزمان کے سر قلم کردیئے گئے

ریا(ویب ڈیسک)سعودی عرب میں دہشت گردی سے متعلق جرائم میں ملوث 5سعودی ہریوں کو سزائے موت دے دی گئی۔ سعودی وزارت داخلہ نے اپنے سرکاری ایکس اکائونٹ پر بیان میں تصدیق کی ہے کہ پانچوں مجرموں کو دہشت گردی کے سنگین جرائم میں ملوث ہونے پر موت کی سزا دی گئی۔یہ ملزمان ایک غیر ملکی دہشتگرد تنظیم میں شامل تھے اور انہوں نے سعودی سیکیورٹی فورسز، سیکیورٹی ہیڈکوارٹرز اور گاڑیوں پر آتشیں اسلحہ اور دھماکہ خیز مواد سے فائرنگ کی۔ان ملزمان پر اسلحہ اور زندہ گولہ بارود رکھنے، مملکت کے اندر دہشتگرد کارروائیوں کی مالی معاونت اور ان کی منصوبہ بندی میں مدد دینے کے الزامات بھی ثابت ہوئے۔وزارت داخلہ نے کہا کہ یہ سزائیں شریعت کے تحت تعزیری سزائے موت کے طور پر نافذ کی گئیں۔ عدالتی کارروائی مکمل ہونے اور تمام قانونی مراحل کے بعد فیصلے پر عملدرآمد کیا گیا۔حکومت کا کہنا ہے کہ ملک میں امن و امان اور شہریوں کی جان و مال کے تحفظ کے لیے ایسے اقدامات ضروری ہیں