لاہور سمیت صوبے بھر میں خواتین غیر محفوظ، کیسز میں خوفناک اضافہ

لاہور (کرائم رپورٹر) لاہور سمیت صوبے بھر میں خواتین غیر محفوظ، کیسز میں خوفناک اضافہ، پنجاب میں 4,955 کیسز، وزیر اعلی پنجاب شدید برہم، پولیس کی کارکردگی پر سوالیہ نشان لگ گیا۔ آئی جی پنجاب کا ہنگامی اجلاس،ریپ اور گینگ ریپ کے کیسز کا ہولناک بریک ڈائون۔ لاہور میں ریپ اور گینگ ریپ کے کیسز میں خوفناک اضافہ، گزشتہ سال کے 10 ماہ میں ریپ و گینگ ریپ کے 470 کیسز رپورٹ ہوئے،رواں سال کے دوران ریپ و گینگ ریپ کے 630 کیسز رپورٹ ، رواں سال گزشتہ سال کی نسبت 150 سے زائد کیسز زیادہ رپورٹ ہوئے۔ پنجاب بھر میں رواں سال 4955 ریپ و گینگ ریپ کے مقدمات درج،وزیر اعلی نے آئی جی کو ہفتہ وار سنگین کرائم کے جائزہ کا حکم دیا تھا۔ آئی جی پنجاب نے تمام اضلاع کی کار کردگی کیلئے اجلاس طلب کر لیا۔